Skodje kyrkjekor er eit aktivt kor og i 2026 fyller vi heile 30 år! Dette skal feirast og vi tjuvstarter jubileumsåret med ein aldeles nydelig julekonsert saman med sjølvaste Beady Belle eller Beate S. Lech som ho eigentlig heiter
"Høgtidsrom"
BEATE S. LECH med band og Skodje kyrkjekor.
Beate Lech er ein open, medviten og samtidig søkande artist med sine viktigaste erfaringar frå jazz- og soul-verda, som artisten Beady Belle
Men ho har i tillegg gitt ut to salmeplater på norsk
Den eine er juleplata "Høgtidsrom" og det er musikken frå denne som er hovudingrediensen i og som har gitt namnet til konserten vår. Beate S. Lech presenterer gamle norske julesalmar, som vi har høyrt og sunge i generasjonar. Men Beate og bandet tar musikken vidare inn i ei vedunderleg verd som er både høgtidsstemt og nær på same tid.
Plata "Høgtidsrom" fekk fantastiske omtale då den kom i 2014. "Årets vakreste julealbum" / "En juleplate som smyger seg innpå deg og til slutt fanger deg i sitt grep"
(Aftenposten/ Beat.no)
Skodje kyrkjekor med sin dirigent Tom Venås-Gontier vil også synge ei eiga avdeling med julestoff, som ein liten forrett før hovudretten.
Det er duka for ein kveld som tek deg bort frå kakebakst, julehandel, nissar og ståk. Her kan du la deg løfte inn i julefred og "Høgtidsrom" i ein varm og litt annleis julekonsert, men garantert ei flott oppleving for både publikum og aktørane.
Bandet består av Jørn Øien på tangentar,
Andreas Bye på trommer og Marius Julian Reksjø på bass.
Also check out other Music events in Molde, Entertainment events in Molde, Arts events in Molde.
