ՊԱՐՍԿԱՀԱՅՔ 4 ՕՐ | Tour to Parskahayk (Northern Iran)

ՊԱՐՍԿԱՀԱՅՔ 4 ՕՐ

ՍԲ ԹԱԴԵ, ՍԲ ՍՏԵՓԱՆՈՍ ՎԱՆՔԵՐ, ԾՈՐԾՈՐ, ԽՈՅ, ՍԱԼՄԱՍՏ, ՈւՐՄԻԱ, ՔԱՆԴՈՎԱՆ, ԹԱՎՐԻԶ
20-23.09 | 119․000Դ | 093 55 14 85

📍 Մեզ հետ այցելեք Պարսկահայք և քառօրյա հրաշալի ուղևորության ընթացքում ծանոթացեք Իրանում հայկական մշակութային գլուխգործոցներին, այդ թվում՝ տեսեք հռչակավոր Սուրբ Ստեփանոս Նախավկայի և Սուրբ Թադեի վանքերը, Ծործորի եկեղեցին, քարանձավային Քանդովանը և Արևելքի գոհարներից Թավրիզը, հայկական շնչով Խոյը, Մակուն, Ջուղան և Սալմաստը, զարմանահրաշ Ուրմիա (Կապուտան) լիճը, Մայր Արաքսը, Տղմուտ գետն ու Ավարայրի դաշտը, Մասիսը «մյուս» կողմից: Բացի հայկական հարուստ պատմական ժառանգությունը, կտեսնեք նաև բնության գլուխգործոցներ, ինչպես և այդ տարածքների այլ կարևոր տեսարժան վայրեր:

💚 Ծրագիր՝

✅ Օր 1

Մեր հրաշալի ուղևորությունը կսկսենք Մեղրիից, որտեղ տպավորիչ դիտակետից կվայելենք Արաքսի հովտի հայտնի տեսարանը։ Ապա կհատենք հայ-իրանական սահմանն Արաքս գետի վրա: Մեր հրաշալի ուղևորության հաջորդ կանգառն Իրանում կլինի բնության գլուխգործոց Ավերակ ջաղաց ջրվեժը, որը թարմություն կհաղորդի մեզ ու առավել կտրամադրի հիանալի ճամփորդությանը: Այնուհետև կուղևորվենք Հին Ջուղա, որտեղ Արաքսի ափին կբացահայտենք հայկական եկեղեցաշինության յուրօրինակ նմուշ Հովվի եկեղեցին, ինչպես և երբեմնի վաճառաշահ Ջուղայի խոշոր քարավանատներից մեկը, որը կառուցել է հայ վաճառական Խոջա Նազարը: Պահն է ոչ միայն հայկական, այլ նաև համաշխարհային ճարտարապետության գլուխգործոց Սուրբ Ստեփանոս Նախավկայի վանք այցելության: Սուրբ Ստեփանոսի վանքը հիանալի պահպանված տպավորիչ կառույց է, որը ՅՈւՆԵՍԿՕ-ի պատմական ժառանգության ցուցակում է: Մենք կբացահայտենք բացառիկ քանդակներով զարդարված գործող այս եկեղեցին ու նրան կից հետաքրքրագույն այլ կառույցներ: Այս անկրկնելի ու ֆանտաստիկ վայրից հետո մեր ուղին Արաքսի ափերով կշարունակվի Մակու, իսկ ճանապարհին մենք կտեսնենք սահմանից այն կողմ Նախիջևանը: Ընթրիքն ու գիշերակացը Մակու քաղաքում են՝ Մասիսի ու Սիսի ստորոտին։

մեկնում Երևանից Մեղրի

✔ Արաքսի հովտի տեսարանը Մեղրիից

անցում Մեղրիից Իրան

✔ Ավերակ ջաղաց ջրվեժ

✔ Հին Ջուղա. Հովվի եկեղեցի և Խոջա Նազարի քարավանատուն

✔ Սբ Ստեփանոս Նախավկայի վանք

ընթրիք Մակու քաղաքում

✔ Արաքսի գետափ և Նախիջևանի համայնապատկեր

✔ ազատ երեկո Մակու քաղաքում

գիշերակաց՝ Մակու։

✅ Օր 2

Մեր ճամփորդության երկրորդ օրը խոստանում է բացահայտումների ու զգացումների հսկա չափաբաժին: Ժամանակն է գնալ Ծործորի հրաշագեղ եկեղեցին, որի ճանապարհից էլ բացվում է տիեզերական տեսարան դեպի Սիսն ու Մասիսը՝ «հակառակ կողմից» Մակուի համայնապատկերով: Բիբլիական Արարատի տեսարանը վայելելուց հետո կայցելենք Ծործորի եկեղեցի, որը ևս մեկ հայկական եկեղեցի է Իրանում՝ ընդգրկված ՅՈւՆԵՍԿՕ-ի պատմական ժառանգության ցանկում: Սուրբ Թադեի վանական համալիրը կարևորագույն սրբավայր է, միևնույն ժամանակ, ճարտարապետական փառահեղ կոթող: Եկեղեցու բազմադարյա պատմությունը, կառույցն իր ճոխ ու աննման քանդակներով ուղղակի ստիպում են քարանալ ու փորձել որսալ ամեն կտորը: Սուրբ Թադեի վանքից դեպի Խոյ քաղաք ու Խոյի Սուրբ Սարգիս եկեղեցի մենք կանցնենք այն տարածքով, որը մասնագետները համարում են Ավարայրի դաշտը: Խոյում ճաշելուց հետո կմեկնենք Սալմաստ, ուր կայցելենք Փայաջուկ գյուղ․ Փայաջուկում է ծնվել հայ մեծանուն գրող Րաֆֆին և որտեղ դեռ կարելի է գտնել նրա հայրական տան վայրը: Սալմաստին մոտ կտեսնենք Սասանյանների ժայռաքանդակը ներկայիս Մինաս գյուղի մոտ, ուր հիշատակվում են հայերն ու Հայաստանը, որով այն փաստացի դառնում է այս տարածքների «հայկականության անձնագիրը»: Հրաշալի ու հագեցած օրվանից հետո ժամանակն է հանգստի Ուրմիա քաղաքում:

նախաճաշ հյուրանոցում

✔ Արարատ լեռը «մյուս» կողմից և Մակու քաղաքի համայնապատկեր

✔ Ծործորի եկեղեցի

✔ Սբ Թադեի վանք

✔ Ավարայրի դաշտի ենթադրյալ վայր ու Տղմուտ գետ

ճաշ Խոյում կամ ընթրիք Ուրմիայում

✔ Խոյ. Սբ Սարգիս եկեղեցի

✔ Սալմաստ․ Փայաջուկ՝ Րաֆֆու ծննդավայր

✔ Սալմաստ․ Մինասի ժայռաքանդակ

✔ ազատ երեկո Ուրմիա քաղաքում

գիշերակաց՝ Ուրմիա։

✅ Օր 3

Օրը սկսում ենք Հայկական բարձրավանդակի երեք խոշոր լճերից Կապուտանով (Ուրմիա լիճ): Կապուտան-Ուրմիան անչափ տպավորիչ է և աչքի է ընկնում խիստ յուրօրինակ տեսարաններով, որոնց նմանն այլ վայրերում չեք գտնի։ Պատմական այս պահից հետո կշարունակենք մեր ուղին դեպի Թավրիզ, որտեղի ճանապարհը անցնում է Ուրմիա լճի կենտրոնով կառուցված կամրջի վրայով: Թավրիզին մոտ կայցելենք Քանդովան, որը հետաքրքրագույն ու հնագույն քարանձավային բնակավայր է, ուր մարդիկ ապրում են անգամ մեր օրերում, այն էլ՝ մի քանի հարյուր տարեկան քարանձավային տներում: Հաջորդ կանգառը Թավրիզ քաղաքն է, որն Արևելքի իսկական արտացոլումն է: Թավրիզում կայցելենք Սուրբ Մարիամ Աստվածածին եկեղեցին, որը հնագույնն է Թավրիզի հայկական եկեղեցիների շարքում, իսկ ավելի ուշ կվայելենք մեր ազատ ժամանակն աշխարհի խոշորագույն փակ շուկաներից մեկում՝ Թավրիզի բազարում, որն արևելյան բազարի դասական մարմնավորումներից է՝ առանձնանալով իր կոլորիտով և կառուցվածքով։

նախաճաշ հյուրանոցում

✔ Ուրմիա (Կապուտան) լիճ

✔ Քանդովան քարանձավային քաղաք

ճաշ կամ ընթրիք Թավրիզում

✔ Թավրիզի Սբ Մարիամ Աստվածածին եկեղեցի

✔ Թավրիզի պատմական շուկա. ազատ ժամանակ

գիշերակաց՝ Թավրիզ։

✅ Օր 4

Մեր ուղևորության վերջին օրը ևս հագեցած ու հետաքրքիր է: Կտեսնենք Թավրիզի խորհրդանիշ Թավրիզի (Ալիշահի) կամարն ու բազմադարյա Կապույտ մզկիթը, որը ևս Թավրիզի այցեքարտերից է: Ավարտելով թավրիզյան պտույտը՝ կվերադառնանք։ Երևան՝ մեզ հետ բերելով հրաշալի հուշեր, նոր տեղեկություններ ու անկրկնելի զգացումներ։

նախաճաշ հյուրանոցում

✔ Թավրիզի կամար

✔ Թավրիզի Կապույտ մզկիթ

ճաշ ՀՀ-ում

վերադարձ Երևան:

—————————————

🚩 Գինը՝ 119․000 դրամ, որը ներառում է՝

▪ 3 և 4 աստղանի հյուրանոցները (երկտեղանի և երեքտեղանի համարներ),

▪ սնունդը (օր 1` ընթրիք, օր 2, 3, 4՝ նախաճաշ և ճաշ կամ ընթրիք),

▪ բարձրակարգ տրանսպորտը (VIP դասի ավտոբուս),

▪ հայ գիդի ծառայությունը,

▪ տեսարժան վայրերի մուտքավճարները։

—————————————

💻 Մեր բոլոր տուրերը՝ https://hamshen.am

🏠 Թումանյան 8, Երևան

☎️ 093 551485 | 091 551485 | 041 551485

📱 Viber / WhatsApp: +374 93 55 14 85

#ԵրազանքԻրականացնողները
#HamshenTour
Get Tickets