ورشة غنا أكاپيلا

لو صوتك حلو/ييجي منه/ودانك موسيقية وحابب يبقى عندك نشاط فني مواعيده تناسب شغلك/دراستك/مسئولياتك وعيلة صغنونة جنب عيلتك، قدم في الورشة دي!

فريق كلاكسكيات بيستقبل أعضاء جداد في الفريق عن طريق تعليم أساسيات الغنا وقراية النوتة لغير المحترفين من خلال ورش بتقدمها قائدته د. داليا إيهاب يونس للكل، سواء اللي مهتمين ينضموا للفريق أو عايزين بس يتعلموا يغنوا مظبوط.

علشان داليا (بجانب دراستها الطبية وشغلها اللي مالوش علاقة بالموسيقى) درست الموسيقى بشكل مختلف في أكتر من بلد في العالم، طريقة تعليمها للغنا هي طريقة بتتقدم لأول مرة في مصر، وبتعلم واحد من أصعب أنواع الغنا والتحكم في الصوت: غنا الأكابيلا (استخدام الصوت البشري كآلة موسيقية من غير آلات مصاحبة). تقدروا تسمعوا توزيعات داليا لأغاني الفريق وغنا أعضاؤه اللي كلهم اتعلموا الغنا بالطريقة دي عن طريق الورش هنا:
https://youtube.com/playlist?list=PL87kSlmqWEHN7UKiTGFlnreGR7zwYhPaO&si=8zvLbr0GF75bZtf1
وتعرفوا أكتر عن الفريق (أول وأكبر فريق أكابيلا في مصر) وعن داليا من هنا:
www.klaxics.com
www.daliayounis.com

مواعيد ومكان الورشة:
الورشة مدتها شهر ونص (٦ مرات)، مرة في الأسبوع من ٦-٩ مساءً:
- أول ٤ مرات هيكونوا في مكان اسمه شفشاون في ميدان المساحة في الدقي أيام الأربع ٩ و١٦ و٢٣ و٣٠ يوليو
- آخر مرتين هيكونوا ضمن بروفات الفريق الفعلية في مكان اسمه لاميزون تريز أيام السبت ٢ و٩ أغسطس

شروط الانضمام:
مفيش شروط للتقديم من حيث السن أو المعرفة الموسيقية، محتاج بس تتقبل في الأوديشن (ابعت لنا رسالة لطلب لينك الأوديشن) وتأكد مكانك بدفع تكلفة الورشة قبل أول يوم.

تكلفة الورشة:
١٥٠٠ جنيه، ممكن يتدفعوا على بعض أو على قسطين قبل أول يوم في الورشة (غير قابلة للاسترداد).
Get Tickets