Opningskonsert

MEDVERKANDE

- Ingeborg Dalheim - song
- Harpreet Bansal - fiolin
- Andreas Bratlie - tabla
- Erlend Viken - hardingfele
- Opus13 - strykekvartett



PROGRAM

- Kulokk etter Lillebuen
- Morton Feldman: Only
- Herman Vogt: String Quartet No. 2 (verdspremiere)
- Harpreet Bansal: Otherwise
- TBA, Erlend Viken
- Joseph Haydn: Strykekvartett, op. 76, nr. 3 «Keiserkvartetten»


Ein konsert som opnar sansane – og festivalen.

Under kyrkjehvelvet i Ullensvang samlast tonar frå fleire himmelretningar: ei stemme ropar over vidda i ein kulokk etter Lillebuen – som ei opning mot natur og fortid. Så fell stilla inn i Morton Feldmans Only, eit nærast umerkeleg pust av klang og ettertanke.

Herman Vogts heilt nye strykekvartett har urpremiere akkurat her, akkurat no – ein ny skapnad som får luft under vengene i hendene til Opus13. Derifrå ber det austover: Otherwise av Harpreet Bansal let fiolinen dansa saman med tablaens pulserande hjarteslag.

Erlend Viken byr på eit musikalsk glimt som berre kan opplevast i augneblinken. Til slutt samlar Haydns keisarkvartett alle trådane i eit meisterverk som har levd gjennom århundre, og som alltid finn nye måtar å røre ved oss på.

Velkomen til starten på årets festival – der klangar frå ulike røter veks saman og slår ut i full blom.

Get Tickets