Eldgjá endilöng - afmælisferð

Í tilefni 50 ára afmælis Útivistar verður í ágúst farin afar spennandi ferð eftir endilangri Eldgjá frá norðri til suðurs. Eldgjá er 70 km löng og myndaðist í risagosi um árið 934. Hún er eitt af mestu nátturuundrum landsins. Margir kannast við hana þar sem hún sker Fjallabaksleið nyrðri en fáir hafa skoðað hana endilanga.

Hér gefst einstakt tækifæri til að skoða í návígi þetta stórbrotna landslag í fylgd fararstjóra sem þekkja svæðið eins og handarbakið á sér og gista í huggulegum skálum Útivistar á leiðinni. Ferðin er trússferð. Vaðskó þarf alla göngudaga.

Nánari ferðalýsing og skráning;
https://www.utivist.is/ferdir-og-dagskra/lengri-ferdir/vidburdur/6673/eldgja-endilong-afmaelisferd
Get Tickets