Laufey: A Matter of Time (UK/EU)

Laufey kemur með A Matter of Time Evróputúrinn til Íslands og efnir til stórtónleika í Kórnum, laugardaginn 14. mars.

Laufey hefur heillað heilar kynslóðir með afar vandaðri tónlist sem fjallar um ást og sjálfsuppgötvun þar sem hún sameinar popp, djass og klassíska tónlist á einstakan hátt. Árið 2023 afrekaði hún það að verða yngsti listamaður allra tíma til að hljóta GRAMMY verðlaun í flokknum Best Traditional Pop Vocal Album fyrir plötuna Bewitched. Nú upplifir hún meira frelsi en nokkru sinni fyrr, sem tónskáld, söngkona, útsetjari og fjölhæfur hljóðfæraleikari sem gerir henni kleift að blómstra sem aldrei fyrr og “leyfa hjartanu að ráfa,” eins og hún orðar það sjálf.

Ferill Laufeyjar hefur verið stórbrotinn og afrek hennar hafa hrannast upp; má þar nefna yfir 4,25 milljarða spilanir á streymisveitum, 23 milljónir fylgjenda á samfélagsmiðlum, stærstu útgáfu á djassplötu í sögu Spotify, plata á Billboard Top 20, fjöldinn allur af platínusölum, sæti á Forbes 30 Under 30 listanum og árið 2025 var hún útnefnd ein af Konum ársins (Women of the Year) af tímaritinu TIME.

Nánar: senalive.is/laufey

You may also like the following events from Sena Live:

• Next Friday, 3rd October, 08:00 pm, Darcy Oake 3. október í Eldborg, Hörpu in Reykjavík
• This November, 17th November, 08:00 pm, Jake Lambert - The Sunshine Kid in Reykjavík
• Happening on, 20th March, 08:00 pm, Dara Ó Briain Re:Creation in Reykjavík