Langleggur og Skjóða í Lindaskógi

Langleggur og Skjóða eru systkini jólasveinanna og kunna margar skemmtilegar sögur úr Grýluhelli. Þau hafa heldur betur slegið í gegn síðustu ár og heimsækja hinar ýmsu jólaskemmtanir með glænýja jólasögu á hverju ári. Í ár segir Skjóða krökkunum sögu sem gerðist einmitt á jólunum. Jólin eru um það bil að fara að ganga í garð þegar Leppalúði pabbi hennar fær skyndilega tröllakvef.

Hver á að elda jólagrautinn?
Getur Skjóða bjargað jólunum?

Sagan er um 20 mínútur að lengd og svo syngja þau vel valin jólalög með krökkunum á eftir. Mörg börn þekkja Skjóðu úr jóladagatali Hurðaskellis og Skjóðu, Jólasögum Skjóðu á Storytel og úr bíómyndinni Jólamóðir.

Leikritið verður haldið utandyra, í rjóðrinu fyrir ofan Lindasafn / Lindaskóla í Núpalind 7, sem kallast Lindaskógur.

Fyrir þau sem koma á bíl: bílastæði eru við Lindaskóla, bæði Núpalindarmegin og Galtalindarmegin.

Fyrir þau sem ferðast með strætó: Leiðir 2 og 28 stoppa í nágrenni við skólann.

Ef snjóar verða auðvitað alltaf nóg af lausum stæðum fyrir sleða og snjóþotur.

Leikritið er ókeypis og öll eru hjartanlega velkomin!

You may also like the following events from Bókasafn Kópavogs:

• This Tuesday, 9th December, 12:15 pm, Gömlu íslensku jólafólin in Kopavogur
• This Wednesday, 10th December, 04:30 pm, Sögufélag Kópavogs | Myndgreining in Kopavogur
• This Wednesday, 10th December, 05:15 pm, Unglingabókaspjall in Kopavogur