Nýdönsk í Hljómahöll

Miðasala opnar þann 20. nóvember á slaginu kl. 11:00. Stilltu klukkuna og tryggðu þér miða á kvöld sem þú villt ekki missa af!

Nýdönsk heimsækir nú loksins Hljómahöllina heilum áratug eftir að hljómsveitin kom þar fram árið 2015. Síðan þá hefur mikið vatn runnið til sjávar og hljómsveitin bætt í ef eitthvað er. Snemma á þessu ári sendu piltarnir frá sér hljómplötuna Í raunheimum sem, auk þess að seljast firna vel, átti lag ársins á Íslensku tónlistarverðlaununum, Fullkomið farartæki. Fáar hljómsveitir skarta jafn glæsilegum lagabálki og Nýdönsk og smellirnir eru orðnir ansi margir. Það má reikna með að lög eins og Horfðu til himins, Flugvélar og fleiri góð verði á dagskránni í bland við nýtt efni og minna þekkta gimsteina.

Hljómsveitina skipa þeir Björn Jörundur Friðbjörnsson, Daníel Ágúst Haraldsson, Jón Ólafsson, Stefán Hjörleifsson og Ólafur Hólm. Þeim til aðstoðar verða Guðmundur Pétursson, gítarleikari og Ingi Skúlason, bassaleikari.

You may also like the following events from Hljómahöll:

• Next month, 12th December, 06:00 pm, Ari Eldjárn: Áramótaskop í Hljómahöll in Keflavik
• Next month, 14th December, 08:00 pm, GDRN og Magnús Jóhann - Nokkur jólaleg lög í Hljómahöll in Keflavik
• Next month, 30th December, 08:00 pm, Valdimar - Áramótatónleikar in Keflavik