Kya lagta hai aapko ki agar aap love marriage ko support nahi karoge, to koi bhi support nahi karega?
Agar love marriage ke liye ghar wale nahi maan rahe hain, to samaj bhi nahi maanta.
Samaj aisa hai na ki jab samaj ki betiyon ki baari aati hai love marriage karne ki, to samaj maan jata hai.
Magar jab aapki baari aayegi na, to aapke ghar wale nahi maanenge—
khaaskar zyada tar cases mein engineer, doctor, bade-bade logon ke saath aisa ho raha hai.
Love to kar lete hain, magar marriage nahi kar paate.
Kahin na kahin bahut zyada pyar karne lagte hain,
lekin unke ghar wale unko kasam dete hain ki
“nahi karna hai usse shaadi, humne tumko padhaya-likhaya hai,
itna kharcha lagaya hai, 9 mahine pet mein rakha hai”—
yeh purane-purane dialogues hote hain.
Aur ladka usi bhav mein, ya phir ladki usi dabav mein aakar shaadi nahi karti.
Are, pyar kiya hai to pyar ke liye stand lo.
Agar stand nahi le sakte, agar apne khud ke faisle nahi le sakte,
to aap kisi se pyar ka wada na karein,
na usse pyar ke sapne dikhayein.
Pyar usi din kijiye jis din
aap apne faisle khud le sakte ho,
khud uske liye stand le sakte ho.
Kisi ko pyar jaan mein fansa kar,
uske saath time-pass karke koi fayda nahi hota.
Kyunki jab insaan chhodta hai na,
to bahut takleef hoti hai—
rooh tak kamp jaati hai.
Woh gham dikhai nahi deta,
magar uski yaadein tadpaati hain.
Arrange marriage Kalyug ki den hai.
Warna love marriage to
Mata Parvati aur Mahadev ne bhi ki thi.
Kya lagta hai aapko ki jo ladkiyan
arrange marriage karke aapke ghar aa rahi hain,
kya woh aapke saath waise hi rehti hain
jaise love marriage mein rehte hain?
Bilkul nahi.
Woh aapke saath adjust karti hain,
aapko samajhti hain,
aapka khayal rakhti hain—
aapke uthne-baithne se lekar
kapde dhona, nahana,
subah se shaam tak ka poora ghar ka safar,
ghar ke saare logon ke saath adjust karti hain.
Arrange marriage mein
compromise ke alawa kuchh nahi hota.
Bas agar dono ki understanding ban gayi to theek,
agar understanding nahi bani
to arrange marriage ko bhi divorce tak jaane mein
zyada samay nahi lagta.
Aaj bhi bahut saare log aise hain
jo arrange marriage karne ke bawajood
ro rahe hain, khush nahi hain.
To jab khush nahi ho,
to phir kiya kyun?
Love marriage ke liye bhi samay do.
Itni jaldbazi mein love marriage mat karo,
kyunki ek nazar mein pasand aaya vyakti
kal ke liye bekaar bhi ho sakta hai.
Kisi bhi rishte mein aage badhne ke liye
samay dena bahut zaroori hota hai.
Agar kuchh galat hai aur bata nahi pa rahe ho,
to dono ko samay do.
Ek saath baitho, baatein karo.
Kya lagta hai, baat karne se baatein bigadti hain?
Bilkul nahi—
baat karne se baatein banti hain.
Understanding match hone lagti hai,
kyunki kahin na kahin
ek vyakti galat family mein aa jata hai
galat understanding ki wajah se.
Bahut kuchh bigad jata hai,
ek hasta-khelta parivaar tak bigad jata hai.
To bigaadna kyun?
Baithkar sort out karo na.
Court tak jaana kyun hai?
Ek-dusre ka khayal rakh lo na.
Ghar walon ko batana kyun hai?
Kabhi chupke se koi tohfa de do na.
Kabhi uska bachche jaisa khayal rakh lo na.
Woh samman legi.
Agar woh aapse pyar karti hogi to.
Warna to ladkiyan pyar ke maamle mein
kai baar aisa bhi bol deti hain—
“Tu mar bhi jaayega to mujhe farq nahi padega.”
Magar jo ladki sach mein pyar karti hai na,
woh aapki chhoti se chhoti baat ko lekar bhi
bahut sensitive ho jaati hai.
Aur jo ladki arrange marriage karke aati hai,
use shuru-shuru mein koi farq nahi padta.
Woh sirf aapka ghar dekh kar,
aapka paisa dekh kar aati hai,
samaj ke raja-mandir se aati hai.
Aur jo premika hoti hai na,
woh samaj ke saare bandhan tod kar aati hai.
