Valle kommune skal arrangere «it takes av village» den 15.november og ønsker å invitere til foredrag. Det er lagt opp til en hel lørdag med foredrag med flere viktige temaer omhandlende barn og unge. Håper dere kan sende dette videre og anbefale trenere og andre frivillige i deres lag/forening til å delta på dagen.
Her er informasjon:
It Takes a Village - ein dag for barns oppvekst
Laurdag 15. november | Hylestad soknehus | Kl. 09:00–15:00
Eitt barn - ein dal - mange hender
Velkomen til It Takes a Village - ein festivaldag i Valle som samlar alle som bryr seg om barns oppvekst; foreldre, besteforeldre, frivillige og fagfolk frå ulike felt. Målet er enkelt: å dele kunnskap, skape refleksjon og styrke det lokale fellesskapet som gir barn gode vilkår.
Program for dagen:
09:00 – Velkomen og innleiing
09:15-11:15 – Siri Abrahamsem – «Små handlinger – store forskjellar»
Ein refleksjon om kor mykje små, konkrete handlingar betyr i møte med kvarandre. Foredraget tek utgangspunkt i tanken om at mellommenneskelge møte kan løfte eller tynge – og viser korleis varme ,bevisstheit og velvilje gjer ein konkret forskjell i kvardagen.
11:15-12:15 – Vegard Nilsen – «Gode oppvekstvilkår»
Ei faktabasewrt og granskande sesjon om kva som fremjar god utvikling: søvn, kosthald, relasjonar og sosiale ferdigheiter. Gjennom statistikk, perspektivtaking og opne spørsmål inviterer Vegard til refleksjon: kva vektlegg vi, og kva går under radaren? Kan sosiale ferdigheiter vere viktigare enn tidleg lesing – og korleis legg skule, heim og samfunn til rette for dette?
12:15-13:00 – Gratis lunsj
13:00-15:00 – Alexander Read – «Robuste barn»
Med bakgrunn i ekspedisjonar, naturterapi og formidling viser Alexander Read korleis naturen kan brukast som verktøy for å bygge livsrobustheit, styrke relasjonar og utvikle indre styrke. Praktiske erfaringar og historier frå turar gir konkrete verktøy for familieliv og folkehelse.
I tillegg blir det open barnehage i Hylestad barnehage (for foreldre i Valle kommune), og det kan kome spennande aktivitetar for barna i løpet av dagen – meir informasjon følgjer! For informasjon: It Takes a Village - ein dag for barns oppvekst - Valle kommune
Arrangementet er gratis og ope for alle – kom og delta i samtalar som betyr noko for barna i dalen vår.
