Vatnslitasmiðjan - málað í núvitund verður haldin þann laugardaginn 24. janúar í Móum, Bolholti 4. Smiðjan stendur yfir frá kl.13:00-15:00.
Allur efniviður verður á staðnum og verður hægt að taka verkin með sér heim í lokin.
Í smiðjunni leyfum við okkur að dvelja með litunum og efninu í núvitund. Hugsað verður um sköpunarferlið sem hugleiðslu til þess að mæta tilfinningum og skapa ró. Efnið er nýtt til þess að mynda hreyfingu á því sem er að bærast innra með okkur, án þess að þurfa endilega að skilja það, heldur fremur til að vera með því sem er.
Við komum saman sem lítill hópur, njótum návistar hvers annars og höfum gaman.
Það þarf engan listrænan bakgrunn til þess að nýta litina á þennan hátt, heldur er þetta fremur einskonar vakandi hugleiðsla. Þessi úrvinnsla getur hjálpað okkur til þess að vinna úr því sem er að gerast í okkar ytra lífi, með því að vinna úr innri spennu eða losa um staðnaða orku sem getur hlaðist upp í lífi okkar. Það eitt að vinna með höndunum tengir okkur beint við hjartað og í meðvituðu flæði fylgjum við því fremur en huganum í þessu sköpunarflæði.
Aðgangseyrir er 10.900kr og komast 10 manns að. Efniskostnaður er innifalinn í verði.
Skráning fer fram hér:
https://shop.moarstudio.is/products/malad-i-nuvitund-vatnslitasmidja-med-andreu-adalsteins-laug-24-jan
Andrea Aðalsteins (f. 1991) er myndlistarkona sem vinnur að mestu með málverk, blandaðan miðil og gjörninga. Hún lauk B.A.-námi í myndlist frá Listaháskóla Íslands árið 2015 og hefur sýnt verk sín víða, meðal annars í Hafnarborg, Nýlistasafninu og á Hamraborg Festival. Andrea hefur einnig starfað sem leiðbeinandi og kennari hjá Borgarsögusafni Reykjavíkur, Myndlistarskóla Reykjavíkur og á opnu vinnustofunni ‘Listafl’ á geðsviði Landspítalans, þar sem hún hefur unnið með fjölbreyttum hópum á skapandi hátt. Hún starfar nú í eigin vinnustofu og heldur smiðjur sem leggja áherslu á nærveru, núvitund og listræna tjáningu.
You may also like the following events from MÓAR studio:
Also check out other
Festivals in Hafnarfjörður.
