Jóga nídra er mögnuð aðferð til að hjálpa fólki við að ná djúpri slökun. Í þessu ástandi, milli svefns og vöku, er svo mögulegt að vinna með alskonar hluti sem geta verið að plaga fólk, svo sem streitu, óöryggi og ýmislegt annað, smærra og stærra. Þar fyrir utan eru tímarnir bara yndisleg slökun og góð leið til að hjálpa fólki við að ná góðum nætursvefni.
Í þessu námi skoðum við ekki eingöngu jóga nídra eins og það er kennt í dag, heldur skoðum við einnig hefðina sem aðferðin tengist, hið tantríska laya jóga. Við skoðum hugmyndafræðina og mismunandi aðferðir, og skoðum hvernig við getum nýtt okkur fornar hugmyndir um viskugyðjurnar tíu og orkuna sem hver þeirra færir okkur. Við fáum fræðslu um taugakerfi líkamans og skoðum hvernig við getum nýtt jóga nídra til að þjálfa líkamann í að gefa eftir. Það hjálpar okkur í gegnum eril daglegs lífs og getur hjálpar okkur til að sofna fyrr og sofa betur.
Nemendur fá að spreyta sig á að semja sín eigin handrit.
Þetta námskeið telst sem CE einingar hjá Yoga Alliance (50t).
Ásta María Þórarinsdóttir, E-RYT500, sér um kennsluna að mestu, en Íris Thorlacius Hauksdóttir, líffræðingur og jógakennari, kennir um líffræði hvíldarinnar.
Kennslan fer fram á 4 helgum:
10-11 janúar 2026 - allt um jóga nídra
24-25 janúar 2026 - líffræði svefnsins og handritagerð
7-8 febrúar 2026 - jóga nídra með sérstöku þema
28 febrúar - 1 mars 2026 - æfingakennsla
Kennt er kl 11:30-18:00 á laugardögunum og kl 09:00-15:30 á sunnudögunum.
Verð kr. 115.000.-
Staðfestingargjald, kr 10.000.- skal greitt við skráningu. Staðfestingargjaldið er óafturkræft og dregst af heildarverðinu. Lokagreiðslan skal berast í síðasta lagi síðasta skráningardag, sem er miðvikudagurinn 7. janúar 2026.
Skráning fer fram gegnum
YW1hcmF5b2dhIHwgZ21haWwgISBjb20=.
You may also like the following events from Amarayoga:
Also check out other
Health & Wellness events in Hafnarfjörður.
