Marit Larsen - ein av Norges mest markante låtskrivarar og artistar - kjem til oss ilag med bandet sitt på turnéavslutning laurdag 25. april. Det blir ein fabelaktig kveld i Ål kulturhus!
Marit Larsen vart fyrst kjent som den eine halvdelen av popduoen M2M, før ho etablerte seg som soloartist. Gjennom tjue år har ho bygd ein imponerande og tidlaus popkatalog, med suksess både i Noreg og internasjonalt – med låtar som «Don’t Save Me», «If A Song Could Get Me You», «I Don’t Want to Talk About It» og «Under the Surface».
Denne vinteren er Marit å sjå som deltakar i TV 2-suksessen "Hver gang vi møtes", der ho deler musikalske augeblikk med nokre av dei største artistane i Noreg. Publikum kan sjå fram til ei konsertoppleving med både nyare materiale og låtar frå den unike popkatalogen hennar.
