La sëra dl ëra

Co foss pa le monn zënza les ëres?

Indispensables tla famila, tl laur, tla sozieté. Mo tan gonot mëss pa les ëres tó sö plö perts y se desmentié de so bëgnester y de süa feminilité?
Chësta sëra é n invit a ciafé na lerch y n pü’ de tëmp por te instëssa: n momënt dediché ala comunité dles ëres, ala feminilité y al bëgnester dl’ëra. Al te aspeta pratiches saurides y de regeneraziun, sciöche eserzizi yoga y de relassamënt, massaji y automassaji, mo ince bal, liberté de movimënt y riüdes.
Vistet val’ de comot (sce te os na gonela), porta cun te na boza d'ega, n tepih da yoga y sce te le dejidrëies, na cutra y n plomac por tüa comodité.

Data: 01.12.2025 dales 20:00
Post: Ciasa J. B. Rinna, San Ciascian

Referënta: Milinda
Organisaziun: Consëi de Formaziun Badia

Also check out other Health & Wellness events in Cortina d'Ampezzo, Sports events in Cortina d'Ampezzo.