إفطار وتأمل وذكر في رحاب الأحباب 🌙📿☪️
رمضان كريم عليكم 💛💚
ننتظر هذا اليوم بشوق من رمضان إلى رمضان 💞
تعالوا نعيش خبرة مختلفة مع آل البيت وسط أجواء رمضان في الشارع المصري وروحانيات الشهر الكريم
هانزور سيدنا الحسين ثم ستنا فاطمة النبوية ونذكر في رحابها ثم نفطر عندها بإذن الله 🙏🏽
اليوم: السبت ٧ مارس ~ ١٧ رمضان
البرنامج:
٣:٤٥ عصراً زيارة مقام سيدنا الحسين
٤:١٥ نتوجه لستنا فاطمة النبوية
٤:٤٠ زيارة مقام ستنا فاطمة النبوية
٥:٠٠ ذكر في رحاب ستنا فاطمة
٦ آذان المغرب والإفطار والصلاة
القيمة
٣٥٠ جنيه
✅ السعر يشمل وجبة الإفطار (خضار وأرز وربع فرخة وسلطة) والإرشاد والذكر والتأمل
❎ لا يشمل ما عدا ذلك (مشروبات، فاكهة، حلو بعد الإفطار.. أياً كان اللي هانلاقيه معد لنا)
إرشادات عامة:
- المواعيد تقريبية هانجتهد قدر الإمكان نمشي عليها
- الإيڤنت يتضمن مشي .. كن مستعد بحذاء مناسب لو هاتمشي
- من سيدنا الحسين للسيدة فاطمة حوالي ربع ساعة مشي نشيط .. ممكن ناخد اكتر شوية.. لو مش قادر تمشي ممكن تاخد توكتوك من الأزهر لستنا فاطمة
- التجمع الساعة ٤:١٠ أمام بوابة الأمن الرئيسية في شارع الأزهر اللي بتدخل على سيدنا الحسين بعد زيارة حضرته وليس قبل. اوصل وزور براحتك أو ابدأ معانا من النقطة دي. هانتحرك من هذه النقطة ٤:١٥ بإذن الله
- من سيدنا الحسين بنوصل لستنا فاطمة من خلال الغورية .. مش هانقف للتسوق. اللي حابب يقف يعمل كده ويبقى يحصلنا بمعرفته على ستنا فاطمة
- لقاءنا عند ستنا فاطمة النبوية بيكون على قهوة ولاد المعلم مهدلي في وش المقام (مش عند باب المسجد الرئيسي)
- لو مش هاتلحقنا عند سيدنا الحسين ممكن تنضم لنا عند ستنا فاطمة. تقدر تنضم أي وقت يناسبك أو تنسحب أي وقت يناسبك حسب وقتك وقدرتك 🙏🏽
- مفيش موبايل متاح علشان نتابع بعض. لو وقعت مننا في أي نقطة حصلنا على اللي بعدها
- المهم معرفة العدد اللي هايكون موجود وقت الإفطار لحجز الوجبات وترتيب القعدة عند ستنا فاطمة
للحجز حول القيمة على إنستاپاي لحساب dalia.m.adel
استخدم هذا الرابط للدفع
https://ipn.eg/S/dalia.m.adel/instapay/6syyzQ
وابعت سكرين شوت التحويل للصفحة
من فضلك ماتحولش قبل ما تتأكد إن باقي أماكن متاحة.. لو حولت بدون سؤال وكان العدد مكتمل المبلغ لا يُستَرَد
- آخر موعد للحجز يوم الخميس ٥ مارس قبل المغرب. غير متاح استرداد مدفوعات بعد هذا الوقت
بإذن الله يوم ممتلئ بالنفحات والمدد لنا جميعاً 💚🙏🏽 رمضان كريم على الكل 🍀☪️
You may also like the following events from The Inner Journey with Dalia Adel:
