Search results for:
No result found! Try with different keywords!
Users
Organizers
Events
Advertisement
Oh Snap, this is a past event! 😵

Do you want to get notified when this event happens again?

أول مرة حواديت

Advertisement

أول مرة حواديت


ورشة حكي
أول مرة حواديت
""كان ياما كان يا سادة يا كرام بني آدم عادي جدا يعيش في المدينة، يدرس ويعمل نهارا ويمارس فعل الحياة ليلا، لكنه كل يوم بيخلص كان بينسى اللي قبله.. يوم بعد يوم البني آدم ده ابتدا يبقى عنده حاجة ناشفة كده زي الهضبة فوق القفص الصدري ناحية الشمال شوية. فضلت الهضبة دي كل يوم تكبر عن اللي قبله، وكل ما تكبر كل ما يحس انه مش قادر يتنفس كويس، لحد ما خلاص وصل إن هضبة دي كبرت وبقت آنها جبل، وبقى يتنفس بصعوبة جدا. احتار فحالته و احتار الأطبا فيه، وماحدش عرف له دوا.. لحد ما في يوم وهو نازل من عند الدكتور قابل بنت جميلة ع السلم، وقف قدامها في صمت مش عارف يقول ولا كلمة. البنت بصيتله وقالتله: احكيلي عن نفسك شوية.!
البني آدم العادي سمع الجملة دي وكانه أعاد اكتشاف العجلة، هو الحقيقة اكتشف اللي أهم من العجلة، اكتشف نفسه، اكتشف الحكاية. اكتشف إنه عمره ما حكي لحد عن حاجة، أي حاجة، بس من جمال البنت ماقدرش يقول لها لأ مش هاحكي.. قعد يحاول، والكلام بيطلع منه بالعافية، أوقات أصلا مابيبقاش عارف يقول إيه، بس بيخلي لسانه ينطلق بأي كلام، واحدة واحدة، الأي كلام ده ابتدا يبقى كلام مهم جدا وجميل جدا.. وهو لاحظ إن أنفاسه بقت منتظمة أكتر وهو بيتكلم.. وكل ما يتكلم كل ما نفسه يتظبط أكتر.. أتارى الحاجة الكبيرة اللي فوق القفص الصدري دي بتصغر، بتدوب مع كل حرف وكل كلمة بيقولها....
البني آدم عرف بالصدفة، إن دواه في الحواديت.. فمن يومها قرر، هو والبنت، إنهم مايقابلوش حد إلا لما يحكوله حواديت ويسمعوا منه حواديته.. "

عشان كده إحنا في "براح" عملنا ورشة الحكي لأي حد عايز يحكي، هو صحيح فن وله أصول، بس مين قال إن فيه حاجة صعب نتعلمها؟
يالا نتعلم ونحكي مع بعض في ورشة "أول مرة حواديت" "
مع الحكاءة رنا المنياوي

برنامج الورشة : تدريب على فنون الحكي و كتابة الحدوتة من خلال ٦ لقاءات بمجموع
تدريب ١٢ساعة
لقاءان إسبوعيا مدة كل لقاء ساعتان
على أن يكون آخر لقاء ليلة حكي مفتوحة للحضور
سعر الورشة ٤٣٥ جنيها

المواعيد ثلاثاء - خميس
من الساعة السادسة حتى الساعة الثامنة
المكان: ٨٠شارع القصر العيني امام مسرح السلام، قرب محطة مترو سعد زغلول – الدور الثالث شقة ٦
للتواصل : 01206591973

الدفع خلال أورانج كاش على الرقم 01206591973

برجاء ملئ الاستمارة
استمارة التقديم : https://docs.google.com/forms/d/e/1FAIpQLSeW7oKRQs4FeYOU7blhxVEXpHiyXttVlx97GL9IOtcGtzgsVw/viewform?usp=sf_link
عن بالمدربة
رنا المنياوي: اكتشفت عالم الحكي عام 2010، في البداية تدربت على أيدي حكائين كبار مثل محمد عبد الفتاح "كالابالا" وشندي
وشاركت في العديد من ليالي الحكي المنفردة والجماعية مثل: عرض حكي بالنادي السويسري 2010 و عرض "مريم" بمسرح الهناجر 2014 و عرض حكي ثنائي بمركز الربع الثقافي و قرابة 20 ليلة حكي ضمن فرقة "بيت الحواديت"
قدمت ورشة حواديت للأطفال بمشاركة موقع " نون"
شاركت في تيسير بعض ورش "بيت الحواديت"
قدمت ورشة إعداد ممثل مسرحي لفريق كلية طب الأسنان جامعة عين شمس
شاركت كممثلة ومخرجة في مسرح جامعة عين شمس وحصلت على عدة جوائز:
حصلت على جوائز:
المركز الثالث تمثيل فتيات عن دورها بمسرحية أمير الأراضي البور 2008
شهادة تقدير عن دورها في مسرحية يوتوبيا 2009
جائزة التميز لإعداد نص مسرحي عن مسرحية حالة طوارئ
المركز الثالث إخراج عن مسرحية حالة طوارئ



Map ٨٠ شارع القصر العيني امام مسرح السلام، قرب محطة مترو سعد زغلول – الدور الثالث شقة ٦, Cairo, Egypt
Loading venue map..
Report a problem

Are you going to this event?

Organizer

Barah - براح
Advertisement