Korrespondenten: Roger Sevrin Bruland

Roger Sevrin Bruland i samtale med Ole Torp

​I boka Team Berlin. Europakorrespondent 2019-2023 tar tidlegare NRK-korrespondent Roger Sevrin Bruland oss med bak kulissane i det som kanskje er den mest dramatiske korrespondentperioden i moderne NRK-historie. På oppdrag for allmennkringkastaren mellom 2019 og 2023, skildrar Bruland ei verd i krise, frå pandemiens første dødelige bølge i Italia, til bomberaid i Ukraina og politisk kaos i Europa.

Boka gir eit unikt og personleg innblikk i Europas mest dramatiske år sidan andre verdskrig. Boka dokumenterer ei verd i unntakstilstand, men også korleis ein som menneske, journalist eller leiar kan stå i presset, ta ansvar, og finne meining i det meiningslause.

«Eg kjende meg til tider som ein dødens engel som reiste rundt og varsla om at dommedag var på veg», fortel Bruland.

Møt Bruland i samtale med journalist Ole Torp om eit Europa i krise og om å finne ei form for meining i kaoset, sjølv når alt raknar. For i møte med sjukdom, død og krig handlar det ikkje berre om å rapportere, men om å være eit menneske.

Det blir boksalg og signering etter arrangementet.

130/60,– (Stud./honnør)

You may also like the following events from Litteraturhuset i Bergen:

• Next Tuesday, 2nd December, 07:30 pm, LittKviss 2. desember in Bergen
• Next Saturday, 6th December, 11:00 am, Lillelørdag: Juleverksted in Bergen
• Next month, 8th December, 07:00 pm, Porter la voix des autres. Målbære andres stemmer. Hanne Bramness om poesi og poetisk praksis in Bergen