Kerling. Sjö tindar

4. júlí 2026
Brottför kl. 8 á einkabílum og rútu frá FFA, Strandgötu 23
Fararstjórn: Arnar Bragason og Ásdís Skúladóttir

Ekið á einkabílum að bílastæðinu við Súluveg þar sem bílarnir eru skildir eftir. Rúta ekur þátttakendum að Finnastöðum þaðan sem gengið er á Kerlingu 1538 m, hæsta fjall í byggð á Íslandi. Síðan er gengið norður eftir tindunum; Hverfanda 1320 m, Þríklökkum 1360 m, Bónda 1350 m, Litla Krumma, Stóra Krumma, Syðri-Súlu 1213 m, Ytri-Súlu 1143 m og niður í Glerárdal þar sem bílar þátttakenda bíða.
Þetta er krefjandi ganga enda merkt fjögurra skóa ferð. Þátttakendur þurfa að vera í góðu gönguformi. Gangan getur tekið 13 klst. en það fer allt eftir hópnum, færð og veðri. Þátttakendur þurfa að klæða sig eftir veðri og taka með sér gott og orkuríkt nesti til dagsins og nóg af vatni þar sem ekki er víst að vatn sé að finna á leiðinni. Í svona krefjandi ferð eru jöklabroddar og ísaxir sem þeim fylgja mikilvægur öryggisbúnaður. Fararstjóri lætur vita þegar nær dregur um nauðsynlegan öryggisbúnað.

Vegalengd: 20–21 km. Gönguhækkun: Alls 1.800 m.

Nánari upplýsingar og skráning er á heimasíðu FFA, ffa.is.
ATH ekki er nóg að merkja við hér á facebook, skráning fer fram í gegnum heimasíðu FFA.

You may also like the following events from Ferðafélag Akureyrar FFA:

• This Thursday, 26th February, 08:00 pm, Kynning á helgar- og sumarleyfisferðum FFA 2026 in Akureyri
• This June, 6th June, 09:00 am, Flatey á Skjálfanda með FFA 6. júní 2026 in Akureyri
• This June, 20th June, 12:30 pm, Málmey. Saga, náttúra og menning in Akureyri