I april kjem Pippi på besøk igjen! Denne gongen med Teatret Vårt si framsyning som er ein hyllest til friheit, fantasi og å vere seg sjølv! Og Teatret har Black Week-pris denne veka.
Pippi Langstrømpe er ni år, sterkast i verda og bur ålene i det rare, skeive huset Villa Villekulla. Saman med venene Tommy og Annika, apen Herr Nilsson og hesten Lilla Gubben kastar ho seg ut i ville påfunn, sjørøvarleik og uventa møte med både politi og tjuvar.
Bak Pippi sine rare påfunn, hennar styrke og språk ligg historia om ei jente som saknar foreldra sine, men som likevel finn måtar å stå støtt på. Ho viser oss at mot kan vere å seie frå, å tore å prøve noko nytt, eller å invitere nokon inn i leiken. Pippi minner oss på at styrke kan ha mange former, og at fantasi og eit ope hjarte kan vere dei største superkreftene av alle.
Historia om Pippi Langstrømpe er ei av Astrid Lindgren sine største suksessar og blei hennar litterære gjennombrot. Sidan 1945 har ho gleda og inspirert generasjon på generasjon, og i Lindgren sitt univers blei Pippi eit ikonisk symbol, ein karakter som utfordra etablerte normer for korleis barn burde vere.
I Teatret Vårt sin versjon er Pippi fortsatt like sterk, rampete og modig som alltid. Ho tør å gå sine eigne vegar, utfordrar forventningar og minner oss på at det er lov å vere akkurat den ein er. Med Pippi i nærheita blir ingen dag lik! Framsyninga sprudlar av musikk, humor, varme og energi. Ei fantasirik oppleving for hele familien, full av latter, eventyr og varme.
Bli med til Villa Villekulla og opplev Pippi på sitt mest modige, rampete og fantastiske!
Premiere 24. april 2026
Varer ca. 1 time
Passar for alle frå 4 år
Av
Astrid Lindgren
Regissør
Johanna Mørck
Koreograf
Zezé Kolstad
Scenograf og kostymekonsulent
Silje Sandodden Kise
Lysdesignar
Jonas P A Fuglseth
Musikalsk ansvarleg
Bård Watn
You may also like the following events from Fosnavåg konserthus:
