Denne konserten blir ein del av vår MiniFolkeMusikkFestival i Fosnavåg helga 17-19. april 2026. Laurdagskvelden blir det live-musikk frå kl. 20.00, og Madam Jam kjem på scena kl. 21. Meir info kjem etter kvart når billettsalet startar.
Med banebrytande runddansmusikk («gammaldans» på folkemunne) har Madam Jam raskt blitt ein favoritt i folkemusikkmiljøet. Dei lanserte debutalbumet "Van danse" i 2023, og har sidan spelt på fleire av dei store folkemusikkfestivalane i Noreg.
Madam Jam er eit møte mellom sju musikarar frå Innlandet som utforskar nye og spennande instrumenteringar og arrangement i runddansmusikken. Dei vartar opp med fengjande melodiar, frekke banjorytmar og danseappell i verdsklasse. Målet for gruppa er alltid å skape god stemning og danseglede, enten om du vil danse reinlender, polka og vals, eller berre hoppe i eufori i takt til musikken. Og sceneshowet viser at dei gjer stas på sjangeren: Glitter, hatt og fjær i stort monn! Denne våren lanserte Madam Jam sitt album nummer to, "Partykongen".
Medverkande:
Steinar Odde – banjo
Pål Bratås – durspel, trekkspel
Øyvind Sandum – durspel, trekkspel
Gro Visdal – kontrabass
Bjørn Kåre Odde – fele, bratsj, hardingfele
Geir Byre – gitar
Kristen Bratås, keys
You may also like the following events from Fosnavåg konserthus:
|
