Erlend Viken Trio blir opningskonserten under MiniFolkeMusikkFestivalen i Herøy!
Dørene inn til konsertsalen opnar kl. 20.00, og vi vil at alle publikummarar skal vere på plass i amfiet til kl. 20.30. Då opnar vi MiniFolkeMusikkFestivalen med eit lite kickoff i konsertsalen. "Avspel" er kanskje eit rettare ord, for her blir det musikk og spel, samt ein introduksjon til helga - og til folkemusikk anno 2026. Her blir med både tilreisande og lokale krefter, både unge og gamle. Meir info kjem, vi vil forsøke å setje sjangeren på kartet og vere litt vegvisarar ei slik helg. Etter trio-konserten er ferdig blir det folkemusikk-pub med buskspel (jam) oppe i Thon sin lobbybar.
Kl. 21.00 går bandet "Erlend Viken Trio" på scena:
Erlend Viken - fele, oktavfele og hardingfele
Marius Graff - elgitar
Sondre Meisfjord - kontrabass
Med hardingfele, el-gitar og kontrabass presenterer Erlend Viken Trio folkemusikk med eit lydbilde få har høyrt tidlegare; basert på norsk tradisjonsmusikk, og med inspirasjon frå improvisasjonsmusikk, ørkenblues og rock. Trioen har spelt konsertar i store deler av Europa, og gjennom sine energiske live-opptredenar har dei skaffa seg mange fans på tvers av sjangergrensene. Dette blir ein spennande fredagskveld!
Billettsalget har starta, og vi anbefalar konserten for alle. For festivaldeltakarar denne helga kjem det eigen festivalpass-billett for fleire konsertar.
You may also like the following events from Fosnavåg konserthus:
