Riksteatret: Læreren

Av og med Fredrik Høyer

Bli med Fredrik Høyer inn i ein humoristisk og gjenkjenneleg skulekvardag, som me alle har eit forhold til. I friminuttet byr me på kaffi og vaflar til alle!

Å vera lærar er som å vere standup-komikar, psykolog, barneoppdragar og føredragshaldar på same tid. Alt skal lærast, ikkje minst kjærleiken ein får til elevane. Viss læring er å møta seg sjølv, og forståing er å stå framfor eit anna menneske, kva betyr då eigentleg ansvar for eiga læring?


Den nytilsette vikarlæraren Kristian står føre ein femteklasse, eit tverrsnitt av samfunnet, fylt med behov, forventingar og draumar. Men i hemmelegheit går han rundt med ei konstant indre oppløysing. I møte med tiåringane blir han tvungen til å konfrontera sitt eige indre barn, lærarrolla og systemet rundt han.


Slam-poet og skodespelar Fredrik Høyer er ein av samtidsteaterets mest originale stemmer. Han framfører sjølv rolla som vikarlæraren Kristian med nærheit og sylskarp humor, i ein djuptloddande tekst om korleis vi forstår oss sjølv gjennom andre sine blikk og rollene me spelar i kvarandre sine liv. På ein overraskande måte vert det grå og kvardagslege gjort til ei mytisk reise som vedkjem både deg og meg.


Varigheit: To dobbelttimar inkludert friminutt - ein sjanse til å fylla kaffikoppen og få seg ein vaffel før det ringer inn.

You may also like the following events from Stord Kulturhus:

• Next month, 11th March, 08:00 pm, Se det for deg med Janove in Ølen
• Next month, 15th March, 07:00 pm, Harm & Hegseth – 10 år!// Stord Kulturhus// pres. av All Things Live in Ølen
• This May, 6th May, 07:00 pm, Herborg Kråkevik og TrondheimSolistene in Ølen

Also check out other Arts events in Ølen, Literary Art events in Ølen.