Bjørn Tomren kjem heimover.
Billettsalget starter 26. november, klokken 10:00
Frå Tomrefjorden til Stjernekamp, frå innerste fjord til dei største scenene i landet: Bjørn har blitt heile Noregs favoritt, og no legg han ut på turné med ein solokonsert som rett og slett må opplevast.
Med si heilt unike stemme, rå musikalitet og eit skråblikk på livet som berre Bjørn kan servere, tek han publikum med på ei musikalsk reise utan sidestykke. Her får du alt: religiøse folketonar, strupesang, Americana, jazz, middelalderballadar, jodling, psykedelisk protestmusikk – og dei heilt stille visene som du først merkar når du går heim gjennom regnet.
Sidan 2019 har han gitt ut tre kritikarroste album, vunne hjarta til heile landet i «Stjernekamp» (der han blei omtalt som «den kulaste artisten i Stjernekamp sin historie»), og fylt konserthus frå nord til sør. I det siste har han også vorte å sjå som skodespelar i NRK-serien «Våre beste år».
Og som om ikkje det var nok: Når Bjørn ikkje står på scena, samlar han på verdsrekordar i «Norge på langs» – i kajakk, til fots, på ski og i robåt. Han har til og med vore klovn.
Forfattar Erlend Loe oppsummerte det slik: «Bjørn Tomren er ikkje berre ein gudbenåda musikar med fantastisk stemme, han kan også sykle på eitt hjul.»
Kort sagt: Dette er ein konsert du ikkje vil gå glipp av.
Velkommen!
You may also like the following events from Løvenvold Theater:
Also check out other
Concerts in Ålesund,
Music events in Ålesund,
Entertainment events in Ålesund.
